Bréf til hverfisbúa

 

Neðanritað er bréf sem íþróttafélagið sendi öllum hverfisbúum 

Kæri Árbæingur!

Íþróttafélagið Fylkir stendur nú á ákveðnum tímamótum þar sem undanþága til keppni meistaraflokka félagsins í knattspyrnu á heimavelli Fylkis er runnin út nema bætt verði áhorfendaaðstaða félagsins.  Reglur KSÍ gera kröfur um að þeir vellir sem spilað verður á uppfylli kröfur sambandsins um aðstöðu en það þýðir að byggja þarf yfirbyggða áhorfendastúku með salernum, skyndihjálp og aðstöðu fyrir fréttamenn ofl.

Happdrætti!

Þrjár deildir félagsins, blakið, handboltinn og fótboltinn, hafa sett í gang veglegt páskahappdrætti og verða miðar til sölu núna næstu daga. Dregið verður miðvikudaginn 16. apríl. 

Yfir 300 vinningar eru í boði!  Fyrsti vinningur er 47" sjónvarp frá Sjónvarpsmiðstöðinni að verðmæti 250 þúsund, annar vinningur stórt og veglegt Berghoff grill frá Takk að verðmæti 191 þúsund, svo koma þrír vinningar á 100 þúsund sem eru ferðavinningur frá Vita ferðum, 39" sjónvarp frá Sjónvarpsmiðstöðinni og 29" reiðhjól frá Erninum. Fjöldi annarra glæsilegra vinninga - heildarskrá yfir vinninga má nálgast hér!

Kaupið endilega miða og styrkið með því starfið í þessum deildum og um leið þá iðkendur sem eru að selja!

Viltu kaupa hlut í nýju Fylkisstúkunni ?

Framkvæmdir við nýju stúkuna við Fylkisvöll eru á fullu þessa dagana enda ekki nema rúmur mánuður í fyrsta leik.  Ennþá gefst Fylkisfólki tækifæri til að kaupa hlut í stúkunni og bætast þannig í hóp fjölmargra stuðningsmanna félagsins.  Núna er verið að grafa nöfn þeirrra sem hafa keypt hlut á stóran veggplatta sem reistur verður við stúkuna og fleiri geta bæst í hópinn. Hluturinn kostar kr. 36.000.- og er í boði að millifæra beint á stúkusjóð félagsins, bnr. 0535-14-400039, kt. 481173-0359.  Einnig er hægt að dreifa greiðslum í allt að 36 mánuði, allt eftir óskum þeirra sem vilja leggja þessu máli lið.

Sjálfboðaliðar í steypun

Föstudaginn 4. apríl er ráðgert að steypa gólf í stúkubyggingu. Múrlínan mun stýra framkvæmdinni en Fylkir ætlar að aðstoða við framkvæmdina.  Vinnan hefst kl. 8:00 og mun standa fram eftir degi. Við óskum því eftir tveimur sjálfboðaliðum til að taka þátt í framkvæmdinni. Áhugasamir er beðnir að hafa samband við Árna með tölvupósti á This e-mail address is being protected from spambots. You need JavaScript enabled to view it. eða í síma 6955046.