Aðventumót 2009 í fimleikum

Aðventumót 2009 var haldið helgina 28. og 29. nóvember af Ármanni í Laugabóli í Laugardal.  Keppendur voru 327 og komu frá 10 félögum:  Björk, Fimak, Fjölni, Fylki, Gerplu, Gróttu, Keflavík, Rán, Stjörnunni og Ármanni. Fylkir sendi 27 stúlkur til keppni í 3.-6. þrepi. Stúlkurnar í 5. þrepi (fæddar 2000) náðum bestum árangri ásamt Thelmu Rún Guðjónsdóttur í 6. þrepi (2002 og yngri), sem var í fyrsta sæti í einstaklingskeppni og fékk jafnframt hæstu einkunn sem gefin hefur verið í 6. þrepi, 65,05. Óskum við henni til hamingju með þetta frábæra afrek.

Fjölskylduskemmtun Fimleikadeildarinnar þriðjudaginn 15. desember

Árleg fjölskylduskemmtun Fimleikadeildarinnar verður haldin þriðjudaginn 15. desember kl. 17-19.  Þetta er jafnframt síðasta æfingin fyrir jól og hvetjum við alla fjölskylduna til að koma með og spreyta sig í skemmtilegri upphitun og æfingum á áhöldum. Gaman væri ef sem flestir mættu í einhverju rauðu og með jólsveinahúfu.

Vetrarstarf Fimleikadeildar Fylkis 2009-2010

Fimleikar eru ein af bestu íþróttagreinunum fyrir alhliða þjálfun barna og unglinga, enda mikil áhersla lögð á þrek, þol og teygjur. Þetta hefur glögglega komið í ljós í Skólahreysti, þar sem keppendur hafa oftar en ekki grunn úr fimleikum en Fimleikadeild Fylkis hefur alið upp nokkra af frábærum keppendum í Skólahreysti síðustu ára. Fylkir hefur einnig átt mjög sterka keppnishópa í áhaldafimleikum, sem sýnt hafa frábæran árangur á mótum.

Fimleikadeild Fylkis hefur rekið blómlegt starf í Árbænum í 33 ár og síðustu árin hefur deildin farið ört vaxandi. Fjöldi iðkenda hefur aldrei verið meiri og þjálfarahópurinn státar nú af nokkrum af reyndustu þjálfurum landins.

Í vetur er boðið er upp á þjálfun í almennum fimleikum og áhaldafimleikum fyrir bæði stúlkur og drengi.

Grunn- og framhaldshópar fyrir stúlkur fæddar 2004 og eldri. Almennir fimleikar og áhaldafimleikar.

Grunnhópar fyrir drengi fædda 2002-2003. Almennir fimleikar, tilvalið sem viðbót fyrir drengi í öðrum íþróttum fyrir aukið þol, þrek og teygjur.

Einnig stendur Fimleikadeildin fyrir danskennslu fyrir börn í 1.-3. bekk (6-8 ára) á mánudögum kl. 14.30-15.30 og 15.30-16.30. Hægt er að koma bara í dans eða bæta honum við fimleikaþjálfun.

Innritun í alla hópa Fimleikadeildar Fylkis fer fram mánudaginn 31. ágúst og þriðjudaginn 1. september kl. 17-20 í Fylkishöll. Ganga þarf frá greiðslu við innritun.

dsc_0053-b

Villa
  • Error loading feed data