Andlátstilkynning

Þorsteinn Elías Þorsteinsson þjálfari Fylkis 3. flokks kvenna í knattspyrnu lést mánudaginn 8. júní 2015.

Sunnudaginn 7. júní veiktist Þorsteinn alvarlega á æfingu hjá 3. flokk kvenna. Stúlkur á æfingu komu Þorsteini til hjálpar og sóttu aðstoð í Árbæjarþrek. Veitt var fyrsta hjálp og honum komið undir læknishendur.

Barna- og unglingaráð og stjórnendur í Fylki boðuðu til fundar á sunnadagskvöldinu með þeim sem vitni urðu að atvikinu og aðstandendum. Þór Hauksson sóknarprestur í Árbæjarkirkju var viðstaddur fundinn. Áfram verður lögð áhersla á að hlúa að þeim sem komu að málinu.

Starfsfólk Fylkis vill koma á framfæri samúðarkveðjum til aðstandenda og vina Þorsteins. Hugur okkar er hjá þeim sem hafa um sárt að binda.

Með kveðjum,

Árni Jónsson,

framkvæmdastjóri Fylkis.

Bryndís Hrönn í Fylki

Kvennalið Fylkis hefur fengið liðstyrk en Bryndís Hrönn Kristinsdóttir er komin með leikheimild.

Bryndís kemur frá ÍBV en hún er fædd 1994. Hún hefur spilað 32 leiki í efstu deild með ÍBV og Stjörnunni.

Sandra Sif í Fylki

Sandra Sif í Fylki

Sandra Sif Magnúsdóttir hefur gert tveggja ára samning við Fylki. Hún hefur spilað137 leiki í meistaraflokki og skorað í þeim 29 mörk með Breiðablik og FH.

Sandra sem er fædd 1988 á að baki 23 leiki með yngri landsliðum Íslands og skorað í þeim 3 mörk.

Við bjóðum Söndru velkomna í Árbæinn

Myndir Einar Ásgeirsson

Góður liðstyrkur - Berglind í Fylki

 
Góður liðstyrkur í Árbæinn
Berglind Björg Þorvaldsdóttir hefur skrifað undir samning við Fylki. 
 
Berglind sem er fædd 1992 hefur spilað með Breiðablik undanfarin ár en hefur einnig spilað með ÍBV. Hún hefur spilað 116 leiki í meistaraflokki og skorað í þeim 58 mörk. Berglind hefur spilað 7 A landsleikir. Yngri landsleikir Berglindar eru 38 og skoraði hún 28 mörk í þeim. 
 
Það eru gleðifréttir að Berglind hafi ákveðið að ganga til liðs við Fylki og bjóðum við hana velkomna.
 
Myndir teknar af Einari Ásgeirssyni.
Mynd 1 Berglind ásamt Ásgeiri Ásgeirssyni formanni Fylkis og þjálfurunum Jörundi og Þóru.
Mynd 2 Berglind ásamt Jörundi Áka þjálfara Fylkis.

Reynir Haraldsson til Fylkis

Reynir Haraldsson 19 ára vinstri bakvörður skrifaði rétt í þessu undir þriggja ára samning við Fylki. Reynir hefur  þrátt fyrir ungan aldur leikið 29 deildarleiki og 4 bikarleiki fyrir uppeldisfélag sitt ÍR og skorað í þeim tvö mörk. Þá á hann að baki fjóra landsleiki fyrir U-17 ára landslið Íslands. Knattspyrnudeild Fylkis býður Reyni velkominn til félagsins.

Rut Kristjánsdóttir framlengir

Rut Kristjánsdóttir sem er fædd 1993 hefur framlengt samning sinn hjá Fylki um 2 ár. 

Rut sem er miðjumaður er uppalin hjá félaginu. 

Hún hefur spilað 77 deildarleiki og skorað í þeim 13 mörk. 

Rut spilaði 5 leiki með U-17 ára landsliðinu og skoraði í þeim 5 mörk.


Villa
  • Error loading feed data