Fylkir mætir ÍBV í 8-liða úrslitum Borgunarbikarsins laugardaginn 4.júlí í Vestmannaeyjum og hefst leikurinn kl. 16:00. Knattspyrnudeild Fylkis vill kanna hvort að áhugi sé á hópferð stuðningsmanna á leikinn. Stefnt er að því að leggja af stað kl. 10:15 frá Árbæjarkirkjuplaninu. Kostnaður er 6.000 kr og innifalið í því er rútuferð og miðar í Herjólf báðar leiðir, greitt með reiðufé (seðlum). Lágmarksþátttaka er 30 manns. Þeir sem ætla að vera með þurfa að senda staðfestingu á This e-mail address is being protected from spambots. You need JavaScript enabled to view it. fyrir hádegi á fimmtudag 2.júlí.

 Viltu komast á leik hjá A-liðum Íslands, fá þér pylsu eða fara í hoppukastala?

Úrslitakeppni Evrópumóts U17 kvenna stendur nú yfir á Íslandi og á sunnudaginn næsta fara fram tveir leikir á Fylkisvelli. Þetta eru sannkallaðir stórleikir en klukkan 13:00 spila Frakkland og Sviss og klukkan 19:00 spila Þýskaland og England.  Hér er frábært tækifæri til að sjá bestu leikmenn Evrópu í þessum aldursflokki spila. Frítt er á leikina.

Þess ber að geta að Ísland er meðal þátttökuliða og eigum við í Fylki tvo leikmenn í því liði. Það eru þær Selma Sól Magnúsdóttir og Jasmín Erla Ingadóttir.

Rúmlega klukkutíma fyrir hvorn leik verður boðið upp á knattþrautir, hoppukastala og grillaðar pylsur. Landsliðskonur munu einnig líta við á alla velli, heilsa upp á krakkana, dreifa plakötum af landsliðum Íslands og árita. Einnig verður happdrætti á hverjum leik þar sem miðar á landsleiki með A-landsliðum kvenna og karla verða meðal vinninga. Dregið verður út á meðan leikjum stendur en vinningshafar verða að vera á staðnum til að hljóta vinningana.

Það er því ríkt tilefni til að skella sér á leikina og skemmta sér ærlega. Boðið verður upp á pylsur, hoppukastala og knattþrautir fyrir leikina og svo er dregið úr happdrættismiðum undir lok leikja.

Sjáumst á vellinum!