Happdrætti!

Þrjár deildir félagsins, blakið, handboltinn og fótboltinn, hafa sett í gang veglegt páskahappdrætti og verða miðar til sölu núna næstu daga. Dregið verður miðvikudaginn 16. apríl. 

Yfir 300 vinningar eru í boði!  Fyrsti vinningur er 47" sjónvarp frá Sjónvarpsmiðstöðinni að verðmæti 250 þúsund, annar vinningur stórt og veglegt Berghoff grill frá Takk að verðmæti 191 þúsund, svo koma þrír vinningar á 100 þúsund sem eru ferðavinningur frá Vita ferðum, 39" sjónvarp frá Sjónvarpsmiðstöðinni og 29" reiðhjól frá Erninum. Fjöldi annarra glæsilegra vinninga - heildarskrá yfir vinninga má nálgast hér!

Kaupið endilega miða og styrkið með því starfið í þessum deildum og um leið þá iðkendur sem eru að selja!

Fylkir semur við erlendan leikmann

Bandaríkjamaðurinn Andrew Sousa skrifaði í kvöld undir 1 árs samning við Fylki að því er fram kemur á vef Fylkismanna. Þar kemur fram að hann hafi æft með Fylki undanfarnar vikur og spilað æfingleik á dögunum gegn Stjörnunni. Andrew er fæddur árið 1989 og er miðju og kantmaður.

Andrew hefur spilað hefur spilað bæði í Bandaríkjunum og Portúgal en hann var um tíma á mála hjá Bandaríska MLS liðinu New England Revolution.

Úrslitaleikur Reykjavíkurmóts !

Það verða Valur og Fylkir sem mætast í úrslitaleik Reykjavíkurmóts kvenna og fer leikurinn fram í Egilshöll, mánudaginn 24. febrúar kl. 19:00.  Þetta varð ljóst eftir undanúrslitaleiki gærkvöldsins þar sem Valur lagði KR, 4 - 1 og Fylkir hafði betur gegn Fjölni, 3 - 1.

Heiðursgestir KRR á úrslitaleiknum verða þær Guðrún Hjartardóttir, fyrrverandi formaður meistaraflokksráðs kvenna hjá Fylki til margra ára, og Kristbjörg Ingadóttir, fyrrum leikmaður og meistaraflokksráðskona hjá Val.  Munu þær heilsa upp á leikmenn fyrir leik og afhenda verðlaun að leik loknum.

Við hvetjum allt knattspyrnuáhugafólk til þess að fjölmenna í Egilshöllina á mánudaginn og sjá bikar fara á loft.

Góugleðin á laugardagskvöldið!

Ekki missa af Góugleðinni - kvennakvöldi Fylkis, sem haldið er á laugardaginn kemur 15. febrúar! 

Húsið opnar kl. 19 - fordrykkur - glæsilegur matseðill

Páll Óskar diskókóngur - Siggi Hlö diskósmellur - Ólöf Kristín söngstjarna

Veislustjórn: Anna Ósk Kolbeinsdóttir

Þau gerast ekki skemmtilegri kvennakvöldin, tryggðu þér miða í Fylkishöll og drífðu fleiri með þér!

Kvennakvöld Fylkis verður 15. febrúar

Hið árlega Kvennakvöld Fylkis, Góugleði verður laugardaginn 15. febrúar.

 

Húsið opnar kl. 19 

Þema : Diskó

Verð : 6500

Borðhald hefst stundvíslega kl. 20.

Miðasalan hefst  þriðjudaginn  11 febr.

Hægt er að panta borð með því að senda tölvupóst á Margréti á netfangið  This e-mail address is being protected from spambots. You need JavaScript enabled to view it.