Fylkir og Hjálparsveit skáta í samstarf

Fylkir og Hjálparsveit skáta í samstarf

Íþróttafélagið Fylkir og Hjálparsveit skáta í Reykjavík hafa gert með sér samstarfssamning varðandi flugeldasölu í félagsaðstöðu Fylkis.

Flugeldasala Fylkis hefur síðustu ár verið í stúku félagsins við keppnisvöll og nú mun Hjálparsveit skáta sjá um söluna í samvinnu við Fylki.

,,Það er frábært fyrir Fylki að tengja sig við Hjálparsveit skáta enda frábært starf unnið af hjálparsveitinni. Við ætlum að gera okkar allra besta til að samstarfið gangi vel og að sjálfsögðu treystum við á að Fylkisfólk og Árbæingar versli sína flugelda hjá Hjálparsveit skáta við Fylkisvöll og styðji þannig gott starf beggja aðila. " Segir Hörður Guðjónsson framkvæmdarstjóri Fylkis

"Við hlökkum til að mæta á Fylkisvöllinn með flugeldasöluna okkar og gefa þannig íbúum tækifæri til að styrkja tvö öflug félög", segir Ylfa Garpsdóttir formaður flugeldanefndar HSSR.

 

Mikið að gerast.....

Minnum á komandi viðburði.

Nú er mikilvægt að byrja að setja saman hópa til að mæta í skötuveisluna hjá okkur í Fylkishöllinni, borðapantanir fyrir hópa This e-mail address is being protected from spambots. You need JavaScript enabled to view it.

Svo er það flugeldasalan í stúkunni og nú í fyrsta sinn í samstarfi við Hjálparsveit Skáta, hvað er betra en að styrkja tvö frábæra aðila á sama tíma. Nánar um opnunartíma síðar.

Að lokum okkar frábæra herrakvöld sem heppnaðist frábærlega síðast og því ætti stemmningin að vera svakaleg núna. Er miði á herrakvöldið jólagjöfin í ár ?

Halldór nýr íþróttafulltrúi Fylkis

Þegar ljóst var að Hörður Guðjónsson yrði næsti framkvædarstjóri Fylkis var ákveðið að auglýsa eftir nýjum íþróttafulltrúa.

Starf íþróttafulltrúa var auglýst en starfið er unnið í samvinnu við ÍTR.
Viðkomandi starfsmaður þarf að vera menntaður íþróttafræðingur/íþróttakennari.

Nú fyrir helgi var Halldór Steinsson ráðinn Íþróttafulltrúi félagsins.
Halldór er uppalinn Árbæingur og hefur verið þátttakandi í félaginu frá unga aldri. Hann hefur sinnt allskyns sjálfboðaliðastarfi fyrir félagið, þjálfað fótbolta, handbolta og fimleika, dæmt fótbolta og handbolta, unnið sem vallarstarfsmaður ofl.
Halldór er 44 ára, menntaður íþróttakennari og með UEFA B þjálfararéttindi frá KSÍ. Hann mun hefja störf þann 1.febrúar 2018.

Við óskum Halldóri til hamingju með starfið.

Framkvæmdarstjóraskipti

Hörður Guðjónsson hefur tekið við sem framkvæmdarstjóri Fylkis, íþróttafélagsins.

Hann tekur við af Árna Jónssyni sem gengt hefur starfinu undanfarin ár.

Hörður er uppalinn Árbæingur og hefur starfað hjá félaginu í mörg ár .

Við óskum Herði til hamingju með starfið og þökkum um leið Árna fyrir góð störf fyrir félagið og óskum honum velfarnaðar í framtíðinni.

Dómararáð

Það hefur verið stofnað dómararáð hjá knattspyrnudeild Fylkis.
Þeir sem hafa náð hvað lengst í dómgæslu á vegum félagsins tóku vel í að koma að þessu verkefni og vilja endilega leggja sitt að mörkum.
Dómararáð Fylkis
Jón Magnus Guðjónsson formaður
Viðar Helgason
Gylfi Tryggvason
Ingvar Guðfinnsson
Þorvaldur Árnason
Markmið og hlutverk dómararáðs:
-Móta stefnu félagsins í dómaramálum
-Styðja við unga dómara
-Halda utan um hóp efnilegra dómara
-Bæta umhverfi dómara félagsins = fara í gegnum það regluverk sem er til staðar því til stuðnings, auka fræðslu ofl.
-Vera með fræðslu fyrir dómara
Við erum stolt af þessu framtaki hjá Fylki.
FYLKIR - ÁRBÆJARINS BESTA
PS ef einhver þarna úti hefur áhuga að koma að dæma fyrir Fylki eða koma að dómaramálum þá endilega verið í sambandi.