Penninn á lofti í Árbænum.

Penninn á lofti í Árbænum.

Á síðustu dögum hafa nokkrir leikmenn meistaraflokks kvenna gert nýja samninga við félagið, en allir samningar eru til tveggja ára. Um er að ræða eftirfarandi leikmenn:

Lovísa Sólveig Erlingsdóttir er fædd árið 1989. Lovísa hefur spilað með Fylki sl. 10 ár, en hún kom til Fylkis frá FH árið 2007. Lovísa er einn okkar reynslumesti leikmaður en hefur glímt við erfið meiðsli sl. 1-2 ár. Bundnar eru vonir við að Lovísa nái góðum bata á næstu mánuðum og geti spilað lykilhlutverk í okkar liði á næsta keppnistímabili. Lovísa á að baki fjóra U17 landsleiki og tólf U19 landsleiki.

Birna Kristín Eiríksdóttir er fædd árið 2000 og er uppalin í Fylki. Birna kom við sögu í fimm leikjum meistaraflokks Fylkis í Pepsi-deildinni í fyrra en sl. mánuði hefur Birna verið að glíma við erfið meiðsli sem hafa haldið henni frá knattspyrnuiðkun. Vonir standa til að Birna verði klár í slaginn fljótlega á næsta ári.

Sunna Baldvinsdóttir er fædd árið 1997. Sunna er uppalin í Breiðablik en gekk í raðir Fylkis sl. vetur. Sunna spilaði á sínum tíma einn leik fyrir U19 ára landsliðið.

Tinna Björk Birgisdóttir er fædd árið 1994.Tinna kom til Fylkis frá Aftureldingu sl. vetur en hún er uppalin hjá Breiðablik.Tinna spilaði á sínum tíma þrjá U17 landsleiki.

Rakel Jónsdóttir er fædd árið 1996 og er uppalin í Fylki. Rakel á að baki átta U17 landsleiki, þar sem hún skoraði eitt mark, og tvo U19 landsleiki. Rakel stundar nú nám við Elon University í Norður-Karólínu og dvelur því í Bandaríkjunum yfir vetrartímann.

Þá voru undirritaðir samningar við þrjá unga og upprennandi leikmenn, sem allar eru uppaldar í Fylki og voru að skrifa undir sína fyrstu samninga. Um er að ræða þær Sunnevu Helgadóttur (fædd árið 2000), Vinný Dögg Jónsdóttur (fædd árið 2001) og Þóru Kristínu Hreggviðsdóttur (fædd árið 2001), en Þóra Kristín kom við sögu í fimm leikjum meistaraflokks kvenna í Pepsi-deildinni í sumar.

„Þrátt fyrir að erfiðu tímabili sé nýlokið þá er mikill kraftur í okkar herbúðum og litið björtum augum til framtíðar. Eins og ég hef sagt áður þá gerum við okkur vonir um að halda öllum okkar leikmönnum og þessar undirritanir síðustu daga er þáttur í því. Það ríkir mikil bjartsýni í félaginu og leikmannahópnum og við hlökkukm til að takast á við það verkefni sem bíður okkar, að byggja upp lið til framtíðar. Þá er alltaf gaman að gera fyrstu samninga við uppalda, unga og upprennandi leikmenn sem við bindum vonir við að verði okkar framtíðarleikmenn.“ segir Halldór Steinsson, formaður meistaraflokksráðs kvenna.

Fylkir og Kornið - Góð blanda

Á þessu ári höfum við Fylkisfólk mörgu að fagna og af því tilefni kynnir Kornið í samstarfi við Fylkir glæsilega Fylkisköku til styrktar barna og unglingastarfi knattspyrnudeildar Fylkis.

Kakan verður til sölu í 2 vikur frá og með 21. September í Árbæjarbakarí og kostar aðeins 2.900 kr.

Einnig mun kakan verða seld á Fylkisvellinum í lokaleik meistaraflokks karla þann 23. September þegar við fögnum veru okkar í Pepsideildinni að nýju.

Áfram Fylkir

Mögnuð helgi framundan.

Kæru stuðningsmenn, foreldrar og Árbæingar allir, nær og fjær,

Lokaleikur okkar Fylkismanna í Inkasso deildinni er gegn ÍR næstkomandi laugardag, 23. September kl. 14:00 á Floridanavellinum.  Markmið okkar í ár var að fara beint aftur upp í Pepsi deildina, og höfum við náð því markmiði.  Ég vil skora á allt Fylkisfólk að mæta á leikinn gegn nágrönnum okkar og fagna árangrinum í sumar með okkar frábæru leikmönnum, þjálfurum og starfsmönnum liðsins, sem og öðrum vallargestum.  Fyllum stúkuna, verum jákvæð og höfum gaman ( í appelsínugulu, að sjálfsögðu ).

Kærar þakkir fyrir stuðninginn í sumar,

Stjórn Knattspyrnudeildar

Pepsi kvenna 
ÍBV - Valur 
Laugardagur kl 14:00

Inkasso 
Fylkir - ÍR 
Laugardagur kl 14:00

Minnum á Fylkisjakkana This e-mail address is being protected from spambots. You need JavaScript enabled to view it.