Tilkynning frá Handknattleiksdeild

Handknattleiksdeild Fylkis
Afgreiðsla bónkorta
Eins og margir vita er komin upp sú staða að sá aðili sem ætlaði að bóna uppí seld bónkort hefur selt bónstöðina og nýjir aðilar tekið við, sem vilja ekkert með þetta gera.
Fyrri aðili hefur marg lofað okkur að opna nýja stöð og bóna fyrir okkur uppí kortin, hinsvegar hefur lítið frést af því og ekkert hefur náðst í viðkomandi í töluvert langan tíma. Við höfum verið að draga lappirnar til að reyna að fá niðurstöðu í þetta mál, en nú er okkar þolinmæði á þrotum og því verðum við að afgreiða þetta mál.
Handknattleiksdeildin var söluaðili á kortunum og er búin að greiða bónstöðinni að fullu fyrir seld kort. Hann hinsvegar er ekki að standa við sinn hluta samningsins og því situr handknattleiksdeildin uppi með tjónið. Deildin vill vera sanngjörn og koma fram af heiðarleika og sanngirni gagnvart þeim sem keyptu kort og endurgreiða kortin.
Deildin getur hinsvegar ekki greitt að fullu þar sem sá iðkandi sem sá um að selja kortin hefur nú þegar fengið sölulaun uppá 2.500,- eða 25% og því er erfitt að endurgreiða það, nema við höfum uppá viðkomandi.
Einnig langar okkur að benda á það að rekstur deildarinnar er erfiður og þessar endurgreiðslur þurfa að koma úr vasa deildarinnar, ef þið treystið ykkur til að styrkja deildina að fullu eða að hluta væri það vel þegið.
Hægt verður að koma með kortin í afgreiðslu Fylkishallar fyrir 1. September, fylla þarf út sérstaka umsókn, sem verður svo afgreidd innan nokkurra daga /vikna.

f.h. Handknattleiksdeildar Fylkis
 Aron Hauksson, gjaldkeri deildarinnar.
 Sími: 894-9070
 Email: This e-mail address is being protected from spambots. You need JavaScript enabled to view it.

Fyrsti leikur í úrslitakeppni Olísdeildar kvenna

Á mánudaginn hefja stelpurnar leik i úrslitakeppni Olísdeildar kvenna.  Andstæðingurinn í 8-liða úrslitunum er Fram og er ljóst að verkefnin gerast varla stærri.  Það lið sem er fyrr að vinna 2 leiki kemst áfram í undanúrslit.  Nú þurfa allir árbæingar að fjölmenna á völlinn á mánudaginn og hjálpa stelpunum í þessari baráttu !!!  Mætum öll í appelsínugulu !

Fram - Fylkir leikur 1

Fylkir - FH Olísdeild kvenna

Á þriðjudaginn fer fram lokaumferðin í Olísdeild kvenna og þá taka stelpurnar á móti FH. Leikurinn hefst kl 19:30 í Fylkishöll.  Við hvetum alla til þess að mæta og styðja við bakið á stelpunum.

Fylkir - FH olísdeild

HK - Fylkir Olísdeild kvenna

Á morgun hefst keppni aftur í Olísdeild kvenna eftir landsliðs verkefni. Stelpurnar spila gegn HK í Digranesinu á morgun og hefst leikurinn kl 13:30.

Mætum og styðjum við bakið á stelpunum og hjálpum þeim að ná sem besta sæti fyrir úrslitakeppnina !!!

 

HK-Fylkir olísdeild

Fylkir - Valur

Þá er komið að næsta leik hjá mfl.kv.  En á laugardaginn taka þær á móti Vals stúlkum.   Leikurinn er gríðarlega mikilvægur í baráttunni um gott sæti í úrslitakeppninni. Fylkisliðið hefur verið á góðu skriði í undanförnum leikjum og hefur verið gríðarlega skemmtilegt að fylgjast með þeim.   Hvetjum alla Árbæinga til þess að koma í Fylkishöllina á laugardaginn og styðja við bakið á stelpunum !!!

 

Fylkir - Valur olísdeild

Leikur hjá mfl.kv á miðvikudaginn

Fjörið í Olís deild kvenna fer aftur af stað á miðvikudaginn en þá taka stelpurnar á móti Fram. Leikurinn hefst kl 19:30 og hvetjum við alla Árbæinga til þess að fjölmenna og styðja við bakið á stelpunum.

Fylkir - Fram Olísdeildkvenna