Nú eru liðnar um tvær vikur síðan Fylkir byrjaði með rútuferðir frá Norðlingaholti fyrir krakka í 1.-4. bekk sem eru á æfingum hjá Fylki fyrir klukkan 17 alla virka daga.  

Um 100 krakkar nýta sér þessa þjónustu í hverri viku og má því segja að foreldrar og iðkendur í Norðlingaholti hafi tekið vel við sér þegar þetta var sett af stað.  Sú dagskrá sem var gefin út í upphafi gildir út næstu viku eða til 26. mars.  Eftir það tekur við páskafrí og munu svo ferðirnar byrja aftur þriðjudaginn 6. apríl samkvæmt þeirri dagskrá sem komin er á síðuna.  Hægt er að nálgast hana þegar farið er undir "félagið" og "Rútuferðir frá Norðlingaholti" á heimasíðu Fylkis.  Gert er ráð fyrir að ferðirnar standi til 1.maí.   Miðað við þessar góðu undirtektir sem benda til þess að þörfin sé mikil verður vonandi hægt að byrja með þetta aftur næsta haust og þá um allt hverfið.