Fimleikafréttir

Hildur Ólafsdóttir Íslandsmeistari í AT fimleikum á gólfi

Mið - 22 maí Skrifað af: Guðjón Axel Guðjónsson

Sunnudaginn 19. maí varð Hildur Ólafsdóttir Íslandsmeistari í AT fimleikum á gólfi og fylgdi þannig eftir Íslandsmeistaratitli í gólfæfingum í áhaldafimleikum kvenna. Þetta var í fyrsta skipti sem haldið er Íslandsmót í AT fimleikum sem er nýtt keppnisfyrirkomulag þar sem tveir keppendur eigast við á hverju áhaldi. Mótið var haldið í Versölum, húsnæði fimleikafélagsins Gerplu, og var liður í undirbúningi landsliða fyrir Smáþjóðaleikana í Luxemborg og Norðurlandamót unglinga í Noregi.

Mótið var sýnt í beinni útsendingu á RÚV en upptöku af því má nálgast á http://www.ruv.is/sarpurinn/fimleikaeinvigi/19052013-0.

Úrslit innanfélagsmóts Fylkis 2013 í áhaldafimleikum

Mán - 22 apr Skrifað af: Guðjón Axel Guðjónsson

Innanfélagsmót fimleikadeildar Fylkis í áhaldafimleikum fór fram 12. og 13. apríl. Mikill fjöld krakka keppti á mótinu og voru krýndir Fylkismeistarar í 3. - 5. þrepi stúlkna og 5. þrepi drengja. Auk þessa kepptu stúlkur í 6. þrepi og fengu verðlaun fyrir sitt besta áhald.

Fylkismeistarnir 2013 eru:

Eva Dís Erlendsdóttir, 3. þrep stúlkna.

Sylvía Lorange, 4. þrep stúlkna.

Eydís Jansen, 5. þrep stúlkna.

Orri Hrafn Kjartansson, 5. þrep drengja.

Síðast uppfært: Mánudagur, 22. apríl 2013 22:59

Nánar...

Thelma Rún Mílanómeistari í áhaldafimleikum stúlkna

Lau - 06 apr Skrifað af: Guðjón Axel Guðjónsson

Mílanó Meistaramótið í áhaldafimleikum kvenna fór fram í Ásgarði í umsjón Fimleikadeildar Stjörnunnar laugardaginn 6. apríl. Fylkir átti 8 stúlkur á mótinu, en keppt var í stúlkna-, unglinga- og kvennaflokki og veitt verðlaun í fjölþraut og á einstökum áhöldum. Hildur Ösp Gunnarsdóttir og Hildur Ólafsdóttir kepptu í kvennaflokki, Arndís Hafþórsdóttir og Eva Dís Erlendsdóttir í unglingaflokki og Filippía Huld Helgadóttir, Fjóla Rún Þorsteinsdóttir, Katharina Sybilla Jóhannsdóttir og Thelma Rún Guðjónsdóttir í stúlknaflokki. Stúlkurnar stóðu sig allar mjög vel og unnu samanlagt til 14 verðlauna, sem er frábær árangur en ekkert félag vann til jafn margra verðlauna á mótinu. Bestum árangri náði Thelma Rún sem varð Mílanómeistari í stúlknaflokki, Fjóla Rún varð í öðru sæti í sama flokki og Arndís í þriðja sæti í unglingaflokki.

Nánar...

Fimm verðlaun á Íslandsmóti FSÍ í þrepum

Sun - 17 mar Skrifað af: Guðjón Axel Guðjónsson

Íslandsmótið í þrepum fór fram helgina 16. - 17. mars í Íþróttamiðstöðinni Laugabóli í umsjón fimleikadeildar Ármanns. Keppt var í fjölþraut í 1. - 5. þrepi og Íslandsmeistarar krýndir í öllum aldursflokkum. Á laugardeginum var keppt í drengjaflokkum og 1.-2. þrepi stúlkna ásamt hluta af 4. þrepi stúlkna. Á sunnudeginum var svo keppt í 3., 5. þrepi og seinni hluta 4. þreps stúlkna og special olympics flokki kvenna og karla.

Fylkir átti alls 17 keppendur á mótinu sem allir stóðu sig vel, en 5 þeirra unnu til verðlauna. Arndís Hafþórsdóttir varð í 3. sæti í 1. þrepi 14 ára og eldri, Thelma Rún Guðjónsdóttir varð í 2. sæti í 2. þrepi 12 ára og yngri og Fjóla Rún Þorsteinsdóttir í 3. sæti, Katharina Sybilla Jóhannsdóttir varð í 3. sæti í 3. þrepi 12 ára og yngri og Eydís Jansen í 3. sæti í 5. þrepi 10 ára.

Síðast uppfært: Föstudagur, 22. mars 2013 13:20

Nánar...